Sinopsis
«UN’WE»-k «BAT BAKARRA» esan nahi du “changana” hizkuntzan, Afrika hegoaldeko hainbat herrialdetan hitz egiten den bantu hizkuntzan. Hemen, gure munduari egiten dio erreferentzia, sare sozialei esker bakarrera murriztu den munduari; baina aldi berean, eta gaur inoiz baino gehiago, bertan dauden desberdintasunak nabarmen erakusten dituenari; gutxitu beharrean, ugaltzen doazen desberdintasunak izan ere. Bi mundu, bata bestearengandik geroz eta urrunago dauden arren, elkarren beharra dutela, eta azken finean mundu berbera direla ulertzen ez dutenak.
UN’WE-k gaur egun ematen diren esklabutza mota berriez, esplotazioaz, indibidualismoaz eta sare sozial deiturikoekiko menpekotasunaz hitz egiten du.
UN’WE-n ikusten ditugun bi pertsonaiek, mendeak igaro diren arren, oraindik oinetan kate bat dutela lotuta sentitzen dute. Badakite kate horren inguruan zenbat eta bira gehiago eman, orduan eta diru gehiago irabaziko dutela munduko beste puntan dituzten familiak elikatzeko. Zirkuluetan pedalari eman eta eman lehertu arte, nekez bizirik irauteko, hasierarik edo amaierarik ez duen gurpil erraldoi batean harrapatutako hamsterrak bailiren.
Ficha artística
ZUZENDARITZA: Asier Zabaleta.
KOREOGRAFIA: Asier Zabaleta, dantzarien laguntzarekin.
DANTZARIAK: Fenias Nhumaio, Deissane Machava.
MUSIKA: Kiko Klaus, Asier Zabaleta.
EKOIZPENA: ERTZA
BANATZAILEA: Inés Bermejo.
